07 לענדער פון דער וועלט און א סאך ניט רעגירונגס=אָרגאניזאציעס האָבן פאָרגעלייגט יאפּאָניע די הילף קעדיי ליקווידירן די רעזולטאטן פון א שטארקסטער ערדציטערניש און צונאמי, וועלכע האָבן געטראָפן אין אָט דעם לאנד אף דער פארגאנגענער וואָך.

דעם 1 מארט האָבן די פּאָטשט=דינסטן פון ליבעריע, גאמביע און סיערע=לעאָנע גלײַכצײַטיק ארויסגעלאָזט פּאָטשט=מארקעס, געווידמעט די ייִדן, וועלכע האָבן געקעמפט קעגן אפּארטעיִד און ראסעווער דיסקרימינאציע אפן אפריקאנישן קאָנטינענט.

באָריס מאָיסייעוו, וועלכער גייט איצט דורך א רעאביליטאציע נאָכן אינסולט, האָפט זעלבשטענדיק פאָרשטעלן דער פּובליק זײַן נײַעם אלבאָם, די פּרעזענטאציע פון וועלכן איז אָנגעמערקט אפן 4 מארט און פאלט צונויף מיטן געבורטסטאָג פונעם ארטיסט.

נענסי כאדורי, א מיטגליד פונעם פּארלאמענט פון באכריין, האָט דערציילט, אז די נײַס וועגן די פּראָטעסטן, וועלכע קומען פאָר אינעם לאנד, זײַנען שטארק מעגאזעם דורך די זשורנאליסטן.

דער פּלאץ פארן מוניציפּאליטעט פון יערושאָלאיִם וועט זיך אף א גאנצן כוידעש פארוואנדלען אין א גליטש אונטער אן אָפענעם הימל. די בויונג פון דעם גליטש=פּלאץ וועט זיך אָנהייבן אין די נאָענטסטע טעג.

די באוווּסטע איטאליענישע אקטריסע אָרנעלא מוטי וועט ברענגען צו פירן קיין פּאריזש א ספּעקטאקל לויט דער פּיעסע פון דזשאני קלעמענטי ”א ייִד“.

די קאָנצערטן פון די שטערן פון דער רוסלענדישער עסטראדע צו דעם טאָג פון ניצאָכן און צו דעם טאָג פון אומאָפּהענגיקײַט וועלן דורכגיין אין ייִסראָעל סאָף אפּרעל לויט דער איניציִאטיוו פון יויסעף קאָבזאָן, רוסלענדישן קולטור=פאָנד ארטעס און אימפּרעסאריִאָ מאראט ליסן, אָנפירער פון דער קאָמפּאניע LANOITANRETNI ESIURC.

די טעג האָט די פּראָקוראטור פון בודאפּעשט באשולדיקט שאנדאָר קעפּיראָ, דעם 79=יאָריקן נאציסטישן פארברעכער. לויט דער ווערסיע פונעם אויספאָרשער, האָט ער אין 2491 יאָר אָנטיילגענומען אין מאסן=צעשיסונגען פון פרידלעכע בירגער אף דער טעריטאָריע פון סערביע.